CIBIL Score: 2025 માં રિઝર્વ બેંક ઑફ ઇન્ડિયા (RBI) અને ટ્રાન્સયુનિયન CIBIL દ્વારા ભારતીય નાગરિકોના નાણાકીય સ્વાસ્થ્યમાં પારદર્શિતા અને જવાબદારી લાવવા માટે CIBIL સ્કોર સંબંધિત અનેક મહત્વપૂર્ણ સુધારા લાવવામાં આવ્યા છે. આ નવા નિયમો એવા ગ્રાહકો માટે ખાસ ઉપયોગી છે જેઓ લોન લેવા ઈચ્છે છે અથવા તેમની ક્રેડિટ ઇતિહાસમાં સુધારો કરવા માંગે છે.

CIBIL સ્કોર 15 દિવસ અપડેટ

2025 થી CIBIL સ્કોર દર મહિને નહિ, પણ દર 15 દિવસે રિફ્રેશ થશે. આ બદલાવથી સ્કોર ઝડપથી અપડેટ થશે, જે લોન મંજूરી ની પ્રક્રિયાને ઝડપી બનાવશે.

સ્કોર ચેક અંગે નોટિફિકેશન

જ્યારે કોઈ બેંક અથવા નાણાકીય સંસ્થા તમારી ક્રેડિટ રિપોર્ટ ચેક કરે છે, ત્યારે તમને હવે તાત્કાલિક SMS અથવા ઈમેઈલ નોટિફિકેશન મળશે, જેથી કોઈ અનધિકૃત ઍક્સેસ સામે તમે સતર્ક રહી શકો.

લોન રિજેકશન માટે સ્પષ્ટ કારણ

જો લોન અથવા ક્રેડિટ કાર્ડ મંજૂર ન થાય તો સંસ્થા તમારું રિજેકશન રિઝન સ્પષ્ટ રૂપે જણાવી દેશે. આનો ઉદ્દેશ છે કે ગ્રાહક સમજી શકે કે ભૂલ ક્યાં થઈ છે અને કેવી રીતે સુધારો કરવો.

લોન ડિફોલ્ટ પહેલાં 7 દિવસની પૂર્વ સૂચના

જોઈન્ટ કમિટીના નિર્ણય અનુસાર, હવે લોન રિપોર્ટિંગ કરતા પહેલા ગ્રાહકને ઓછામાં ઓછા 7 દિવસ પહેલા નોટિફાય કરવું પડશે, જેથી ચુકવણી કરીને ક્રેડિટ સ્કોર બચાવી શકાય.

ભૂલ સુધારવા માટે 21 દિવસની સમયમર્યાદા

જો કોઈ ક્રેડિટ રિપોર્ટમાં ભૂલ જોવા મળે છે, તો હવે બેંક અથવા બ્યુરોને 21 દિવસની અંદર તેને સુધારવી ફરજિયાત રહેશે. નિષ્ફળતા માટે દંડ લાગૂ પડશે.

દર વર્ષે એક મફત CIBIL રિપોર્ટ

હવે દરેક ગ્રાહકને  દર વર્ષે એક વખત મફત CIBIL રિપોર્ટ મળશે, જે તમને તમારું નાણાકીય સ્વાસ્થ્ય રિવ્યુ કરવામાં મદદ કરશે.

નવો સ્કોરિંગ મોડેલ અને વર્તન આધારિત માપદંડ

2025ના નવા મોડેલ અનુસાર હવે માત્ર ચુકવણીના ઇતિહાસ પર નહિ, પણ લોન લેવાની ઝડપ, ક્રેડિટ યુટિલાઇઝેશન અને વર્તન પણ સ્કોર પર અસર કરશે.

તમામ ક્રેડિટ બ્યુરો માટે સમાન નિયમ

હવે CIBIL, Equifax, Experian અને CRIF જેવી બધી સંસ્થાઓ પર સમાન સ્કોરિંગ માપદંડ લાગુ કરવામાં આવ્યા છે, જેથી ગ્રાહકો સાથે ભેદભાવ ન થાય.

લોન રિપોર્ટિંગ માટે 14 દિવસની સમયમર્યાદા

બેંકો હવે લોન ચુકવણી બાદ અધિકતમ 14 દિવસમાં બ્યુરોને રિપોર્ટ કરવા માટે બાંધાયેલ રહેશે, જેથી સ્કોર ટાઈમ પર અપડેટ થાય.

ન્યૂ ક્રેડિટ યુઝર્સ માટે વિકલ્પ

જેઓ પહેલા લોન કે કાર્ડ લીધા નથી એવા ગ્રાહકો માટે હવે બિહેવિયરલ ડેટા તથા મોબાઈલ બિલ પેમેન્ટ વગેરે પરથી સ્કોર તૈયાર થશે, જેથી નવી સ્થિતિમાં પણ યોગ્ય નાણાકીય પ્રવેશ મળે.

ડિસ્ક્લેમર

આ માહિતી વિવિધ ન્યુઝ સ્રોતો અને ઓફિશિયલ અહેવાલોના આધારે તૈયાર કરવામાં આવી છે. સ્કોર અથવા લોન સંબંધિત કોઇ નિર્ણય કરતા પહેલા તમારા બેંકિંગ સલાહકાર અથવા સત્તાવાર બ્યુરો વેબસાઈટનો સંપર્ક કરવો જરૂરી છે.